Ընկերության մասին

«Էս ընդ Էյ Մայնինգ» ՍՊԸ-ն հիմադրվել է 2015 թվականին: Այն «Ապառաժ» ընկերությունների խմբի ընկերություններից մեկն է, ինչը ստեղծում է բազմաոլորտ աշխատանքային հնարավորություններ։ Սերտ համագործակցության և միացյալ աշխատանքի շնորհիվ՝ ընկերությունները կարողանում են հասնել մեծ հաջողությունների։

Ստորև ներկայացված են խմբի ընկերությունները՝ ըստ իրենց առաջարկած ծառայությունների.

1. «Էս ընդ Էյ Մայնինգ» ՍՊԸ – Լեռնահանքային արդյունաբերություն՝ ամբողջական ցիկլով (հետախուզում, հանքավայրի հիմնական ուղիների բացում, անցկացում, հանքաքարի արդյունահանման աշխատանքներ, հանքաքարի բեռնման և տեղափոխման աշխատանքներ):
2. «Վանդ-ՍԱ» ՍՊԸ – Պայթուցիկ նյութերի և պայթեցման միջոցների արտադրություն (www.vandsa.am):
3. «Ապառաժ Մայնինգ» ՍՊԸ – Հորատապայթեցման և բեռնափոխադրումների կազմակերպման աշխատանքներ (www.aparagmining.am):
4. «Ապառաժ» ՍՊԸ – Ճանապարհաշինության, քաղաքային շինարարության ոլորտներում աշխատանքներ:

«Էս ընդ Էյ Մայնինգ» ընկերությունն ունի ավելի բազմապրոֆիլ ուղղվածություն և ավելի մեծ գործունեության աշխարհագրություն։ Այն իր գործունեությունը ծավալում է բազմաթիվ խոշոր լեռնահանքային համալիրներում, ինչպիսիք են՝ «Թեղուտ Մայնինգ» ՓԲԸ-ն, «Ախթալայի Լեռնահարստացման Կոմբինատ» ՓԲԸ-ն, «Զանգեզուրի Պղնձամոլիբդենային Կոմբինատ» ՓԲԸ-ն, «Չաարատ Կապան» ՓԲԸ-ն, վրացական «RMG Copper» և «RMG Gold» կազմակերպությունները։

Ընկերությունը մշտապես թարմացնում և համալրում է իր մեքենաները համաշխարհային ճանաչում ունեցող արտադրանքներով:

Հատուկ ուշադրություն է դարձվում աշխատանքների տեխնիկական անվտանգության պահպանությանը, ինչպես նաև բնապահպանական հարցերին:

Տեխնիկաների ընտրության հիմքում ընկած է «նվազագույն արտանետումներ – բարձր արտադրողականություն» բանաձևը:

Ընկերության ամենօրյա ուշադրության կենտրոնում է ծառայությունների մատուցման որակի անընդհատ բարձրացումը, ինչի մասին կարող են վկայել համագործակցող և ծառայություններից օգտվող ընկերությունները:

Ստորգետնյա եղանակով մշակվող հանքավայրերում «Էս ընդ Էյ Մայնինգ» ընկերությունը՝ որպես կապալառու, առաջարկում է հետևյալ աշխատանքները՝

• Փորվածքների անցահատում՝ հորատում և պայթեցում,
• Փորվածքների մաքրում՝ առբերում և հին փորվածքների վերականգնում,
• Փորվածքների ամրակապում՝ ե/բ կառույցներով, ցանցերով, փայտով և այլն,
• Ստորգետնյա փորվածքների օդափոխության ցանցի անցկացում,
• Ստորգետնյա հանքերի էլեկտրական ցանցի հոսքագծերի անցկացում,
• Ստորգետնյա հանքերում հետախուզական աշխատանքների կազմակերպում,
• Արդյունահանման բլոկների մարում` բազմաթիվ մշակման համակարգերի կիրառմամբ, հորիզոնական և վերընթաց պայթանցքերով բարակ և խիստ բարակ երակային մարմիններում, ինչպես նաև ավելի մեծ հզորության մարմիններում` մեքենայացված հորատանցքերով պոկման համակարգերի կիրառմամբ:

Բացահանքերում մատուցվում են հետևյալ ծառայությունները՝

1. Հորատանցքերի հորատման աշխատանքներ՝ ցանկացած տրամաչափի և երկարության,
2. Բացահանքերի պայթեցման աշխատանքներ՝ ցանկացած մասշտաբի՝ զանգվածային և լոկալ,
3. Հանքաքարի բարձման և տեղափոխման աշխատանքներ:

«Էս ընդ Էյ Մայնինգ» ՍՊ ընկերությունում ընդգրկված են բարձր որակավորում ունեցող, ոլորտի առաջատար մասնագետներ, որոնք իրենց երկարամյա և հարուստ փորձի շնորհիվ խթանում են ընկերության գործունեությունը։

Մեր գործընկերները մշտապես բարձր են գնահատում մեր մատուցած աշխատանքների և ծառայությունների որակն ու արագությունը: